محسن مرزوق: احتجاجات ايران شرعية ومحاولة استغلالها من قبل الاعداء موجودة


 سكوب انفو- تونس

كتب محسن مرزوق الامين العام لحركة مشروع تونس في صفحته الرسمية تدوينة حول ما يقع الآن في ايران وقال ان الاحتجاجات الداخلية شرعية ومحاولة توظيفها من قبل اعداء ايران موجودة .

واضاف مرزوق:"اذا قدرالنظام الإيراني يخرج من هذه الأزمة باش يكون بعدها أضعف اكثر وستداهمه أزمة أخرى إذا ما صارش الإصلاح الجذري الداخلي ما همش باش يسيبوهم".

التدوينة:

"الي صاير في ايران باش تكون ليه عواقب كبيرة على النظام السياسي الإيراني الي ما تطورش وقعد جامد وقامع للحرية واقتصاد ايران قعد قائم على ريع البترول موش منتج وقوي بما فيه الكفاية
وكيف تبدا عندك ها الصعوبات صعيب برشة تلعب دور إقليمي كبير ويصير ساهل للاعداء في الخارج يلقاو نقاط ضعف يستغلوها
احتجاجات ايران شرعية وداخلية
ومحاولة استغلالها من طرف أعداء ايران زادة موجودة
والحل الوحيد هو أنو القوى الوطنية الإيرانية في الحكم وخارجه تعمل برنامج إصلاح حقيقي سياسي بالفصل بين الدين والسياسة وتغيير نظام ولاية الفقيه ومنح الحرية للشباب وتحرير المبادرة الاقتصادية الخاصة مع الحفاظ على ثوابت المصالح القومية الإيرانية الإقليمية دون عدوانية وتدخل في شؤون الغير
والا ستختلط خطى المحتجين الشرعيين بدون قصد ولا نية بخطى رجال الاستخبارات الأجنبية ووقتها تحصل الكارثة الوطنية
واذا قدرالنظام الإيراني يخرج من هذه الأزمة باش يكون بعدها أضعف اكثر وستداهمه أزمة أخرى إذا ما صارش الإصلاح الجذري الداخلي
ما همش باش يسيبوهم"..